Paýtagtymyza bagyşlanyp geçirilen halkara çäreler
2025-nji ýylyň 25-nji maýynda Aşgabat şäher häkimliginiň we Türkmenistanyň Söwda-senagat edarasynyň bilelikde guramagynda iki günläp dowam eden «Ak şäherim Aşgabat» atly XXIV köpugurly halkara sergi we maslahat öz işini tamamlady. Oňa Türkmenistanyň Daşary işler ministrliginiň Halkara gatnaşyklary institutynyň talyplary hem gatnaşdylar. Halkara çäreleriň jemleýji gününde paýtagtymyzyň gazanan üstünlikleri, gurmagy meýilleşdirilýän binalary üstünlikli amala aşyrmakda göz öňünde tutulýan taslamalar görkezildi. Bu foruma türkmen telekeçileri bilen bilelikde, daşary ýurtly hyzmatdaşlar hem gatnaşdylar we geljegi uly bolan ugurlarda pikir alyşdylar. Şeýle-de senagat, ekologiýa, gurluşyk we innowasiýalara aýratyn ähmiýet berlendigini nygtamak gerek.
Galyberse-de, ekologiýa abadançylygyna hem iri gurluşyklar alnyp barlanda aýawly çemeleşmelidigi barasynda-da halkara maslahata gatnaşyjylar aýtdylar. Her ýylda geçirilýän bu sergi we maslahat myhmanlarda ýakymly täsirleri galdyrdy. Bir söz bilen aýtsak, bu halkara derejesindäki çärelere ýokary guramaçylyk derejesi mahsus bolup, örän üstünlikli geçirildi.
Aýjennet ROZYÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara
žurnalistikasy fakultetiniň 1-nji ýyl talyby.