"Parahatçylyk Medeniýeti – Ýaşlaryň gözi bilen" atly surat çekmek bäsleşigindäki ýeňijiler
2024-nji ýylyň 20-nji fewralynda Türkmenistanyň Daşary işler ministrliginiň Halkara gatnaşyklary institutynda Türkmenistanyň diplomatik işgärleriniň güni mynasybetli ýurdumyzyň orta mekdepleriniň 1–11-nji synp okuwçylarynyň arasynda «Parahatçylyk medeniýet–ýaşlaryň gözi bilen» atly surat çekmek bäsleşiginiň jemleri jemlendi. Bäsleşikde ýeňiji bolan okuwçylary BMG-niň Çagalar gaznasynyň (ÝUNISEF) Türkmenistandaky wekilhanasynyň ýolbaşçysy M.Faýýazi, institutymyzyň professor-mugallymlary hem-de eminler toparynyň agzalary tarapyndan baýraklar dabaraly gowşuryldy. Surat bäsleşiginde hödürlenen 500-den gowrak suratlar sergisiniň netijeleri esasynda Aşgabat şäher medeniýet müdirliginiň 2-nji çagalar çeperçilik mekdebiniň 4-nji synp okuwçysy Meredowa Gülperi we Aşgabat şäher medeniýet müdirliginiň Bäşim Nuraly adyndaky çagalar çeperçilik mekdebiniň 2-nji synp okuwçysy Wiwçarik Anželika dagylar 1-nji oruna, şeýle-de Aşgabat şäheriniň 54-nji orta mekdebiniň 11-nji synp okuwçysy Mergenow Saparmyrat, Ahal welaýatynyň Gökdepe etrabyndaky çagalar çeperçilik mekdebiniň 3-nji synp okuwçysy Gylyçdurdyýewa Gurbangül we Hindistan Respublikasynyň Türkmenistandaky ilçihanasyndan Rashmi Rawat dagylaryň çeken suratlary 2-nji oruna, Hindistanyň Türkmenistandaky ilçihanasyndan Sahi Çekhar, Aşgabat şäheriniň Saglygy dikeldiş okuw-terbiýeçilik toplumynyň ker we çala eşidýän mekdep ýaşly çagalar bölüminiň 10-njy synp okuwçysy Jepbarow Jepbar, Berdimuhammet Annaýew adyndaky 1-nji ýöriteleşdirilen harby mekdebiniň 11-nji synp okuwçysy Orazow Daýanç we Mary welaýatynyň 1-nji orta mekdebiniň 9-njy synp okuwçysy Baýramowa Nurana dagylaryň çeken suratlary 3-nji oruna mynasyp boldular.
Şeýle hem bäsleşigiň düzgünnamasynyň şertlerine gabat gelýän suratlary çeken, Lebap welaýatynyň 36-njy mekdebiniň 5-nji synp okuwçysy Muhtarbaýew Mekan, Aşgabat şäheriniň 7-nji orta mekdebiniň 1-nji synp okuwçysy Hudaýberdiýew Yslammuhammet, BAE-niň döwletliler köşginden 11-nji synp okuwçysy Gurbanow Muhammetresul, Balkan welaýatynyň 24-nji orta mekdebiniň 4-nji synp okwuçysy Orazdurdyýewa Hatyja, Russiýa Federasiýasynyň Türkmenistandaky ilçihanasyndan Lykowa Ýelena, Aşgabat şäheriniň 7-nji orta mekdebiniň 3-nji synp okuwçysy Muhammetgulyýewa Aýnura, Aşgabat şäheriniň 12-nji orta mekdebiniň 5-nji synp okuwçysy Azimowa Aýsel, Daşoguz welaýatynyň 6-njy orta mekdebiniň 8-nji synp okuwçysy Amanowa Maýsa, Aşgabat şäheriniň 140-nji orta mekdebiniň 7-nji synp okuwçysy Kulgaraýewa Aýşa dagylara höweslendiriji baýraklary berildi. Bu bäsleşigiň netijesinde ýeňiji bolan ähli okuwçylar institutymyzda geçirilen dabaralandyryş çäresine geldiler.
Medeniýetiň we sungatyň, esasanda ýaşlaryň arasyndaky ylym-bilime bolan höwesi artdyrmak mundan beýläk hem gülläp ösmegi üçin ähli şertleri döredýän Gahryman Arkadagymyza we Arkadagly Serdarymyza çäksiz hoşallygymyzy bildirýäris.
Gülsenem HOMMADOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy we deňeşdirme
hukuk öwreniş
kafedrasynyň öwreniji mugallymy.
Bu barada şu ýerde hem okap bilersiňiz: