ONLAÝN USULY-OKUW MASLAHATY GEÇIRILDI
2026-njy ýylyň 24-nji aprelinde abraýly halkara ylmy-tehniki maglumat çeşmelerinde indekslenýän žurnallarda ylmy makalalaryň çap edilmegini utgaşdyrmak boýunça 2026-njy ýyl üçin tassyklanan Ýol kartasynyň çärelerini durmuşa geçirmek maksady bilen onlaýn usuly-okuw maslahaty guraldy. Maslahata sanly ulgam arkaly ýurdumyzyň ýokary okuw mekdepleriniň, şol sanda Türkmenistanyň Daşary işler ministrliginiň Halkara gatnaşyklary institutynyň professor-mugallymlary hem gatnaşdylar.
Türkmenistanyň Bilim ministrligi tarapyndan guralan usuly-okuw maslahatyň mazmuny ylmy barlagyň ugruny we adyny dogry saýlamak, “Giriş” bölüminde işiň dünýä derejesindäki täzeçilligini esaslandyrmak, ylmy barlagyň usulyýetini we netijelerini halkara talaplara laýyklykda takyk beýan etmek, ara alyp maslahatlaşma we “Netije” bölümlerini ýazmagyň düzgünleri arkaly alnan netijeleri dünýä ylmy bilen utgaşdyrmak ýaly derwaýys mowzuklar esasynda çykyşlar edildi.
Guralan usuly-okuw maslahat diňleýjileriň nazary we amaly bilimleriniň utgaşykly kämilleşmeginde, täze ylmy maglamatlara esaslanýan ylmy-barlag işleriniň netijelerini özleşdirmeklerinde ähmiýeti uludyr.
Mährijemal MÄMEDOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary
kafedrasynyň uly mugallymy.