ONLAÝN SEMINAR GEÇIRILDI
2026-njy ýylyň 13-nji martynda Türkmenistanyň Inžener-tehniki we ulag kommunikasiýalary institutynda “Türkmenistanyň ylmy, ylmy-barlag edaralarynyň, kärhanalaryň, guramalarynyň we ýokary okuw mekdepleriniň hem-de olaryň işläp taýýarlamalarynyň tehnologiýa taýýarlyk derejesini kesgitlemegiň Usulyýeti” atly onlaýn seminar geçirildi. Türkmenistanyň Bilim ministrligi we Türkmenistanyň Ylymlar akademiýasynyň bilelikde guramagynda geçirilen bu onlaýn seminara ýokary okuw mekdepleriň, pudaklaýyn ylmy edaralaryň we Türkmenistanyň Ylymlar akademiýasynyň ylmy-barlag institutlarynyň ýaş alymlary we köpçülikleýin habar beriş serişdeleriniň wekilleri bilen bilelikde Türkmenistanyň Daşary işler ministrliginiň Halkara gatnaşyklary institutynyň mugallymlardyr talyplary hem gatnaşdylar.
Onlaýn seminaryň dowamynda çykyş edenler ýurdumyzyň ylmy-barlag institutlarynda ýaş alymlary ylmy-tehniki barlaglara çekmek babatda alnyp barylýan işler dogrusynda nygtap geçdiler. Eziz Diýarymyzda ýaşlar aýratyn orunda durýar. Ýurdumyzyň innowasion ösüşinde ýaş alymlaryň ylmy açyşlary uly ähmiýete eýedir. Çykyşlaryň dowamynda bu barada aýdylanlar onlaýn seminara gatnaşanlarda aýratyn täsir galdyrdy.
Nurgeldi ATAÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň 2-nji ýyl talyby.