ONLAÝN MASLAHAT GEÇIRILDI
2025-nji ýylyň 27-nji noýabrynda Türkmenistanyň Telekommunikasiýalar we informatika institutynda onlaýn maslahat geçirildi. Maslahata ýurdumyzyň dürli ýokary okuw mekdepleriniň talyp ýaşlary bilen bir hatarda Türkmenistanyň Daşary işler ministrliginiň Halkara gatnaşyklary institutynyň professor-mugallymlary hem gatnaşdylar.
Onlaýn maslahatyň dowamynda çykyş edenler emeli aňyň tutuş dünýäde yzygiderli ösýändigi, onuň bilim ulgamyndaky orny, şeýle-de şäher içi ýolagçy akymynyň wizual ulgamy barada giňişleýin belläp geçdiler.
Şeýle onlaýn maslahatlaryň yzygiderli geçirilmeginiň emeli aňyň mümkinçiliklerini ara alyp maslahatlaşmakda, ony ykdysadyýetiň we beýleki ulgamlaryň işine ornaşdyrmak babatda pikir alyşmakda möhüm ähmiýeti bar.
Muhammetnur GARABAÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň 4-nji ýyl talyby.