Okuw-usuly maslahat geçirildi
2025-nji ýylyň 13-nji noýabrynda Türkmenistanyň Daşary işler ministrliginiň Halkara gatnaşyklary institutynda “Index Copemicus we SCImago Journal Rank (SJR) barada düşünje” atly okuw-usuly maslahat geçirildi. Oňa institutyň ähli kafedralarynyň mugallymlary gatnaşdylar. Bu okuw-usuly maslahatda Ýagşygeldi Kakaýew adyndaky Halkara nebit we gaz uniwersitetiniň Kiberhowpsuzlyk kafedrasynyň uly mugallymy, tehniki ylymlarynyň kandidaty Maksat Çüriýew çykyş etdi.
Okuw maslahatynda professor-mugallymlaryň halkara derejeli neşirlerde makalalaryny çap etmegiň usullary, olaryň taýýarlanylyşynyň ähmiýeti we dünýä ylmy jemgyýetçiligindäki möhüm orny barada giňişleýin gürrüň edildi.
Okuw-usuly maslahatyň dowamynda gatnaşyjylar mowzuga degişli sowallar arkaly oňa işjeň gatnaşdylar. Şeýle okuw-usuly maslahatlaryň yzygiderli geçirilmegi mugallymlaryň hünär kämilligini ýokarlandyrmaga we bu ugurda ylmy üstünlikleri iş ýüzünde durmuşa geçirmäge ýardam berýär.
Mähriban GARAÝEWA,
Türkmenistanyň Daşary işler ministrliginiň
Halkara gatnaşyklary institutynyň
Jemgyýeti öwreniş ylymlary kafedrasynyň mugallymy.