OKUW-USULY MASLAHAT GEÇIRILDI
2025-nji ýylyň 31-nji oktýabrynda Türkmenistanyň Daşary işler ministrliginiň Halkara gatnaşyklary institutynda “Halkara indekslenýän neşirlerde ylmy makalalary çap etmegiň usulyýeti barada düşünje” atly okuw-usuly maslahat geçirildi. Oňa institutyň ähli kafedralarynyň mugallymlary gatnaşdylar. Bu okuw-usuly maslahaty Türkmen döwlet ykdysadyýet we dolandyryş institutynyň Sanly ykdysadyýet kafedrasynyň mugallymy Narly Babanazarow alyp bardy.
Okuw maslahatynda professor-mugallymlaryň halkara derejeli neşirlerde makalalaryny çap etmegiň usullary, onuň taýýarlanyşynyň ähmiýeti we dünýä ylym jemgyýetçiliginde möhümligi barada giňişleýin gürrüň edildi. Okuw-usuly maslahatyň dowamynda gatnaşyjylar mowzuga degişli sowallar arkaly oňa işjeň gatnaşdylar. Şeýle okuw-usuly maslahatlaryň yzygiderli geçirilmegi mugallymlaryň hünär kämilligini ýokarlandyrmaga we bu ugurda ylmy üstünlikleri iş ýüzünde durmuşa geçirmäge ýardam berýär.
Maral ORAZGYLYJOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy we deňeşdirme hukuk öwreniş
kafedrasynyň mugallym-öwrenijisi.