OKUW SAPAGY TÄSIRLI GEÇDI
2026-njy ýylyň 11¬ ─ 13-nji maýy aralygynda Türkmenistanyň Daşary işler ministrliginiň Halkara gatnaşyklary institutynda “Türkmenistanyň daşary syýasaty we diplomatiýasy: parahatçylygyň, howpsuzlygyň we durnukly ösüşiň hatyrasyna hyzmatdaşlyk” atly halkara ylmy-amaly maslahatynyň hem-de “Halkara gatnaşyklary: parahatçylyk dialogynyň medeniýeti” atly III halkara bäsleşiginiň çäginde talyplar üçin okuw sapagy geçirildi.
Dünýäniň dürli künjeklerinden halkara ylmy-amaly maslahata gatnaşmaga gelen professor-mugallymlar talyplarymyz bilen öz iş tejribeleri barada söhbetdeş bolup, pikir-garaýyşlaryny paýlaşdylar. Hususan-da, 2026-njy ýylyň 12-nji maýynda Oş döwlet uniwersitetiniň “Ählumumy taryh we taryhy öwretmegiň usullary” kafedrasynyň müdiri, taryh ylymlarynyň kandidaty, dosent Gülnäz Çynykeýewanyň geçiren okuw sapagy has-da täsirli boldy. Oňa institutyň professor-mugallymlary we talyp ýaşlary gatnaşdylar.
Okuw sapagynyň dowamynda myhman öz alyp barýan işleri, halkara gatnaşyklarynyň taryhy, gyrgyz medeniýeti barada täsin maglumatlary beýan etdi.
Gatnaşyjylaryň arasyndaky gyzykly sowal-jogap alyşmalary sapagyň ähmiýetini has-da artdyrdy. Şeýle sapaklaryň yzygiderli geçirilmegi geljekki halkaraçy hünärmenleriň bilimini we tejribesini artdyrmaga uly mümkinçilikleri döredýär.
Güldäne AHMEDOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň 2-nji ýyl talyby