OKUW SAPAGY GEÇIRILDI
2024-nji ýylyň 15-nji oktýabrynda Türkmenistanyň Daşary işler ministrliginiň Halkara gatnaşyklary institutynda Halkara ykdysady gatnaşyklary kafedrasynyň guramagynda “Ýaş ykdysatçylar” ylmy guragynyň okuw sapagy geçirildi. Okuw sapagyna Halkara ykdysady gatnaşyklary kafedrasynyň tehniki ylymlaryň kandidaty, dosenti Öwezmyrat Bäşimow gatnaşdy. Bu okuw sapagyny Halkara ykdysady gatnaşyklary fakultetiniň III ýyl talyby Güljeren Ataýewa alyp bardy.
Sapagyň dowamynda Halkara ykdysady gatnaşyklary fakultetiniň III ýyl talyby Güljeren Ataýewa “Hemme görkezijileri öz içine alýan ykdysadyýet” atly tema bilen çykyş edip, gatnaşyjylaryň soraglaryna giňişleýin jogap berdi.
Soňra Halkara ykdysady gatnaşyklary fakultetiniň IV ýyl talyby R.Gylyjow “Häzirki wagtda emeli aňyň jemgyýete ýetirýän täsiri” atly tema bilen çykyş etdi.
Okuw sapagynyň ahyrynda talyplar, magistrantlar halypa mugallyma ýüzlenip, özlerini gyzyklandyrýan sowallaryna giňişleýin jogap aldylar.
Oguldurdy AMANOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysadyýet ugry boýunça magistranty.