OKUW SAPAGY GEÇIRILDI
2024-nji ýylyň 13-nji maýynda Türkmenistanyň Daşary işler ministrliginiň Halkara gatnaşyklary institutynda Halkara ykdysady gatnaşyklary kafedrasynyň gurnamagynda okuw sapagy geçirildi. Okuw sapagyna institutyň talyplary we “Ýaş ykdysatçylar” ylmy gurnagynyň agzalary gatnaşdylar. Okuw sapagyny Halkara ykdysady gatnaşyklary kafedrasynyň dosenti Öwezmyrat Bäşimow alyp bardy.
Sapagyň dowamynda Halkara ykdysady gatnaşyklary fakultetiniň II ýyl talyby Güljeren Ataýewa özüniň “Ykdysady ösüşiň taryhy we geljegi” atly ylmy temasy boýunça çykyş etdi. Ol çykyşynda ykdysady düşünjelere bolan, zerurlyk, isleg, talap barada düşünjeleri gatnaşyjylaryň dykgatyna ýetirdi. Ol esasan isleg bilen talabyň tapawudyny we häzirki wagtda jemgyýetde islegden talabyň has öňe sürülýändigi barada durup geçdi. Şonuň ýaly-da gatnaşyjylaryň soraglaryna jogap berdi we olaryň tekliplerini diňledi hem-de kabul etdi.
Soňra Halkara ykdysady gatnaşyklary fakultetiniň III ýyl talyby Ýupar Egrijäýewa “Häzirki döwür kärhanalarynda işgärleri dolandyrmak” atly ylmy temasy boýunça çykyş etdi. Ol toplan maglumatlaryny gurnaga gatnaşyjylaryň dykgatyna ýetirdi.Talyp çykyşynyň sonuňda gatnaşyjylaryň soraglaryna jogap berdi.Şeýle-de gatnaşyjylar tarapyndan berlen teklipleri göz öňünde tutjakdygyny aýtdy.
Okuw sapagyň sonuňda Ö. Bäşimow çykyş eden talyplaryň temalary barada has giňişleýin maglumatlar bilen gatnaşyjylary tanyş etdi. Talyplar özlerini gyzyklandyrýan birnäçe sowallar we teklipler bilen çykyş etdiler.
Agahan AGAHANOW,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň III ýyl talyby.