OKUW SAPAGY GEÇIRILDI
2024-nji ýylyň 26-njy sentýabrynda Türkmenistanyň Daşary işler ministrliginiň Halkara gatnaşyklary institutynda Halkara ykdysady gatnaşyklary kafedrasynyň gurnamagynda “Ýaş ykdysatçylar” ylmy gurnagynyň okuw sapagy geçirildi. Okuw sapagyny Halkara ykdysady gatnaşyklary kafedrasynyň dosenti Öwezmyrat Bäşimow alyp bardy we gurnagyň täze agzalaryny gurnagyň tertip-düzgüni bilen giňişleýin tanyşdyrdy.
Sapagyň dowamynda Halkara ykdysady gatnaşyklary fakultetiniň III ýyl talyby Güljeren Ataýewa özüniň “Jemgyýetde bilimiň we ylmyň orny” atly ylmy temasy bilen çykyş edip, gatnaşyjylaryň soraglaryna giňişleýin jogap berdi.
Soňra Halkara ykdysady gatnaşyklary fakultetiniň IV ýyl talyby Kerim Serdarow “Adamlaryň akyl zähmetiniň netijelerini resmileşdirmek” atly ylmy tema bilen çykyş etdi.
Okuw sapagynyň ahyrynda talyplar halypa mugallyma ýüzlenip, özlerini gyzyklandyrýan sowallaryna giňişleýin jogap aldylar.
Güljeren ATAÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň III ýyl talyby.