OKUW SAPAGY GEÇIRILDI
2024-nji ýylyň 24-nji oktýabrynda Türkmenistanyň Daşary işler ministrliginiň Halkara gatnaşyklary institutynda Halkara ykdysady gatnaşyklary kafedrasynyň guramagynda “Ýaş ykdysatçylar” ylmy gurnagynyň okuw sapagy geçirildi. Okuw sapagyna Halkara ykdysady gatnaşyklary kafedrasynyň tehniki ylymlaryň kandidaty, dosent Öwezmyrat Bäşimow gatnaşdy. Bu okuw sapagyny Halkara ykdysady gatnaşyklary fakultetiniň III ýyl talyby Güljeren Ataýewa alyp bardy.
Sapagyň dowamynda “Halkara ykdysadyýet” magistr taýýarlyk ugrunyň magistranty O.Amanowa “Türkmenistanyň täjirçilik banklarynyň düzümini seljermek we teklipleri taýýarlamak” atly tema bilen çykyş edip, gatnaşyjylaryň soraglaryna giňişleýin jogap berdi.
Soňra Halkara ykdysady gatnaşyklary fakultetiniň IV ýyl talyby K.Serdarow “Adamlaryň akyl zähmetiniň netijeleri” atly tema bilen çykyş etdi.
Okuw sapagynyň ahyrynda talyplar, magistrantlar halypa mugallyma ýüzlenip, özlerini gyzyklandyrýan sowallaryna giňişleýin jogap aldylar.
Güljeren ATAÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň III ýyl talyby.