Nobatdaky sport buýsanjymyz
Garaşsyz hem baky Bitarap Türkmenistan ýurdumyzda ähli ugurlar bilen bir hatarda, sporty ösdürmeklige hem uly üns berilýär. Türkmen türgenleriniň döwlet we halkara derejesinde geçirilýän ýaryşlara gatnaşyp, baýrakly orunlary eýelemegi hem munuň aýdyň subutnamasydyr. Ine, şeýle ýaş türgenleriň biri-de, Türkmenistanyň Daşary işler ministrliginiň Halkara gatnaşyklary institutynyň Halkara ykdysady gatnaşyklary fakultetiniň II ýyl talyby Durdyýew Döwran. Ol 2022-nji ýylyň 9-10-njy dekabrynda Türkmenistanyň Bedenterbiýe we sport baradaky komiteti tarapyndan sportuň söweş sambo görnüşi boýunça Daşoguz welaýatynda geçirilen Türkmenistanyň açyk birinjiliginde üstünlikli çykyş edip, 79 kilogram agram derejesinde II orna (kümüş medala) mynasyp bolmagy başardy. Talyp deň-duşumyzyň bu üstünligi bizi diýseň begendirýär we buýsandyrýar. Biz hem oňa geljekde sport äleminde uly üstünlikleriň ýar bolmagyny arzuw edýäris.
Muhammet ŞÖHRATOW,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň
II ýyl talyby.