“NIPPON” GAZNASYNYŇ ÝERINE ÝETIRIJI DIREKTORY BILEN DUŞUŞYK
2023-nji ýylyň 8-nji noýabrynda Türkmenistanyň Daşary işler ministrliginiň Halkara gatnaşyklary institutynda Ýaponiýanyň “Nippon” gaznasynyň ýerine ýetiriji direktory Ýuji Mori bilen talyp ýaşlaryň arasynda duşuşyk geçirildi. Duşuşyga institutyň mugallymlarydyr talyp ýaşlary gatnaşdylar.
Duşuşykda esasan türkmen-ýapon gatnaşyklarynyň taryhy we ösüşi, “Nippon” gaznasynyň alyp barýan maksatnamalary we işleri, şeýle hem Garaşsyz, baky Bitarap Türkmenistan ýurdumyzyň bu gazna bilen alyp barýan, uzak geljegi nazarlaýan gatnaşyklary babatda gürrüňdeşlik boldy. Bu duşuşygyň türkmen diplomatiýasynyň milli mekdebiniň talyp ýaşlary üçin öz alýan bilimlerini has-da artdyrmakda uly ähmiýete eýe boldy.
“Nippon” gaznasy – bu hususy gurama bolup, ol 1962-nji ýylda Rýoti Sasakawa tarapyndan esaslandyryldy. Bu gazna durmuş üpjünçiligi, saglygy goraýyş we ylym-bilim babatda halkara derejesinde birnäçe maksatnamalary amala aşyrýar. Ata Watanymyz Türkmenistan gazna bilen onuň “JACAFA”, “NipCA” we “Read Japan” ýaly birnäçe taslamalarynyň çäklerinde hyzmatdaşlyk alyp barýar.
Hojamyrat BAÝLYÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň
II ýyl talyby.