EKO-ŞYGAR BÄSLEŞIGIŇ NETIJELERI
2024-nji ýylyň 25-nji martynda «Ýaş tebigatçy» jemgyýetçilik guramasynyň yglan etmeginde geçirilen eko-şygar bäsleşiginiň jemleri jemlendi. Bäsleşigiň wezipesi guramanyň gymmatlyklaryna we wezipesine laýyklykda, tebigy baýlyklaryň gözelligini hem-de özboluşlylygyny goramaga çagyryş boljak rus ýa-da türkmen dilinde gysby, ýatda galyjy şygary döretmekden ybaratdy. Bäsleşigiň maksady «Ýaş tebigatçy» guramasynyň işine ünsi çekmek we ýaşlarda tebigata aýawly garaýşy döretmekden ybaratdyr. Bu bäsleşige ýurdumyzyň dürli künjeklerinden tebigaty söýýänler tebigy baýlyklary goramaga çagyrýan şygarlaryny iberdiler. Gatnaşyjylaryň ählisine Minnetdarlyk hatlary we ýadygärlik sowgatlary gowşuryldy. Bu geçirilen çäräde Türkmenistanyň Daşary işler ministrliginiň Halkara gatnaşyklary institutynyň talyplary işjeňlik görkezdiler.
Jemşit RUSLANOW,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň I ýyl talyby.