“Mysaly kazyýet” atly bäsleşigiñ jemleri jemlendi
2021-nji ýylyñ 25-nji dekabrynda Aşgabat şäherindäki Grand myhmanhanasynda “Hukukçy” hojalyk jemgyýeti tarapyndan talyplaryň ýokary okuw mekdebinde alýan nazary bilimlerini tejribe bilen utgaşdyrmak olaryň geljekki hünär işi üçin zerur bolan durmuşy başarnyklaryny hukuk endiklerini has-da kämilleşdirmek, ýurdumyzda hukuk aňyýetininiň, biliminiň hem-de medenýetiniň ösüşine goşant goşmak maksady bilen yglan edilen “Mysaly kazyýet” atly bäsleşigiň jemleri jemlendi. Bu bäsleşik Türkmenistanyň Daşary işler ministrliginiñ Halkara gatnaşyklary institutynyñ, Magtymguly adyndaky Türkmen döwlet uniwersitetiniň, Halkara ynsanperwer ylymlary we ösüş uniwersitetiniň hukuk hünärini öwrenýän talyplarynyň arasynda geçirildi. Üç tapgyrda geçirilen bu bäsleşige 2 gatnaşyjydan ybarat bolan 36 topar gatnaşdy. Bäsleşigiň jemleri boýunça ýeňiji topar ýokary baýrak bilen sylaglandy. Türkmenistanyň Daşary işler ministrliginiň Halkara gatnaşyklary institutynyň 4-nji ýyl talyplary Atajan Rozybaýew we Şahnoza Eminowa bäsleşikde gowy netijeleri gazanyp “Iň gowy netijenama” diýen nominasiýa eýe bolup, degişli Hormat hatlary we gymmat bahaly sowgatlar bilen sylaglandylar.
Altyn BABYŞOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň I ýyl talyby.