MILLI GYMMATLYKLARA BAGYŞLANAN GEZELENÇ
2026-njy ýylyň 8-nji aprelinde Türkmenistanyň Daşary işler ministrliginiň Halkara gatnaşyklary institutynyň ilkinji Zenanlar guramasynyň işjeň agzalarynyň gatnaşmaklarynda Türkmenistanyň Döwlet medeniýet merkeziniň Döwlet muzeýine gezelenç guraldy.
Gezelenjiň dowamynda talyplar Türkmenistanyň taryhy we arheologiýa, Türkmenistanyň Prezidentiniň muzeýi, Etnografiýa we ülkäni öwreniş muzeýi bölümlerine aýlanyp, türkmen halkynyň dünýä ýaň salan taryhy, medeni we milli gymmatlyklary bilen tanyş boldular.
Gezelenjiň dowamynda bu muzeý dünýäniň çar künjeginden gelýän jahankeşdeleriň hem iň bir gelim-gidimli ýerine öwrülendigini, şeýle-de dürli ýyllarda tapylan taryhy tapyndylaryň saklanýandygy hakynda muzeýiň hünärmenleri belläp geçdiler.
Türkmen durmuşynyň aýrylmaz bölegine öwrülen şöhratly taryhymyz, milliligimiz tutuş adamzadyň medeni hazynasyna ägirt uly goşant goşan halkymyz, gadymy sungatyň ajaýyp ýadygärligidir.
Şeýle gezelençleriň yzygiderli guralmagy türkmen diplomatiýasynyň geljekki wekilleri bolan talyp ýaşlaryň ukyp-başarnyklarynyň açylmagyna ýetirýän täsiri uludyr.
Gülzada ANNASÄHEDOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň
1-nji ýyl talyby.