Türkmenistanda «Türkmenistanyň nebiti we gazy – 2024» atly halkara maslahaty we sergisi geçirildi
2024-nji ýylyň oktýabr aýynyň 23-25-i aralygynda Türkmenistanyň söwda-senagat edarasynyň binasynda «Türkmenistanyň nebiti we gazy – 2024» atly 29-njy halkara sergisi geçirildi. Sergi Türkmenistanyň "Türkmengaz", "Türmennebit" döwlet konsernleri we "Tükmengeologiýa" döwlet korporasiýasy tarapyndan guraldy.
Sergä nebit-gaz, metallurgiýa, himiýa, maşyn gurluşygy we energetika pudaklaryndan daşary ýurt, döwlet we hususy edaralary, maliýe guramalary we banklary gatnaşdylar. Bu sergi türkmenleriň milli we halkara nebit-gaz kompaniýalarynyň arasyndaky gatnaşyklary pugtalandyrmakda we daşary ýurt maýa goýumlaryny çekmek üçin oňat üstünlikli platforma boldy.
Şeýle sergileriň geçirilmegi biz geljekgi ykdysatçylar üçin diňe bir maglumat çeşmesi bolman, eýsem nebit-gaz pudagynyň dünýä bazaryny çuňňur öwrenmäge uly mümkinçilikleri döredýär.
Medine ÝUSUPOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklar fakultetiniň I ýyl talyby.