Meýletinçileriň onlaýn okuw sapagy
2021-nji ýylyň 29-njy dekabrynda Türkmenistayň Daşary işler ministrliginiň Halkara gatnaşyklary institutynda “Türkmenistanda ýaşlar baradaky döwlet syýasatynyň 2021-2025-nji ýyllar üçin Döwlet maksatnamasyny” üstünlikli amala aşyrmak maksady bilen sanly ulgam arkaly yzygiderli alnyp barylýan okuw maslahatynyň nobatdaky sany geçirildi. Türkmenistanyň Bilim ministrliginiň, Türkmenistanyň Gyzyl Ýarymaý Milli jemgyýetiniň hem-de Türkmenistanyň Sport we Ýaşlar syýasaty ministrliginiň bilelikde guran bu okuw sapagyna milli diplomatiýanyň ýokary okuw mekdebiniň talyplary gatnaşdylar.
Bu okuw maslahatyny Türkmen döwlet maliýa institutynyň wekili alyp bardy. Ol ýurdumyzda sanly tehnologiýa ulgamyndan peýdalanmagyň ýokary medeniýetini kemala getirmekde, sanly ulgamyna ýaşlaryň işjeň gatnaşmagyny gazanmakda ýaş meýletinçileriň wezipeleri barada täsirli çykyş etdi. Onuň çykyşy talyp ýaşlaryň gyzykly sowal-jogap alyşmalary bilen utgaşdy.
Dünýägözel ÇARYÝEWA,
Türkmenistanyň Daşary işler ministrliginiň
Halkar gatnaşyklary institutynyň
Halkara
žurnalistikasy fakultetiniň III ýyl talyby.