“ECOCLUB” GURNAGYNYŇ GEÇIREN ÇÄRESI
2024-nji ýylyň 15-nji oktýabrynda Aşgabat şäheriniň 21-nji ýöriteleşdirilen terbiýeçilik-okuw mekdebinde Türkmenistanyň Daşary işler ministrliginiň Halkara gatnaşyklary institutynyň Dünýä dilleri kafedrasynyň “Ecoclub” gurnagynyň agzalary mekdep okuwçylary bilen çäre geçirdi.
Çäräniň dowamynda “Ecoclub” gurnagynyň işjeň agzalary mekdep okuwçylaryna taýýarlan prezentasiýalaryny görkezdiler. Talyplar öz çykyşlarynda Gahryman Arkadagymyz tarapyndan başy başlanan we hormatly Prezidentimiziň ýolbaşçylygynda mynasyp dowam etdirilýän ýurdumyzyň ekologiýa diplomatiýasy barada gyzykly gürrüňler berdiler. Şeýle hem, hormatly Prezidentimiz tarapyndan halkara guramalary bilen ekologiýa we daşky gurşawy goramak hyzmatdaşlygynyň ösdürilmegine uly üns berilýändigi, munuň bolsa öz gezeginde sebitiň ekologiýa abadançylygyna oňyn täsir etjekdigi nygtaldy.
Tebigaty goramak we tebigy baýlyklardan tygşytly peýdalanmak, abadanlaşdyryş we degişli kanunçylygy yzygiderli gowulandyrmak boýunça köp işler alnyp barylýar. Türkmenistanyň daşary syýasatynyň esasy ileri tutulýan ugurlarynyň biri hökmünde ekologiýa diplomatiýasyny ýola goýmak bilen, hormatly Prezidentimiz halkara gatnaşyklary ulgamynda ekologiýa meselelerini çözmegiň we öňüni almagyň ähmiýetine ünsi çekýär.
Çäräniň ahyrynda «Let's Save the World» şygary astynda okuwçylar bilen “Ecoclub” gurnagyň agzalarynyň bilelikde bag ekmek dabarasy geçirildi.
Meret MEREDOW,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň I ýyl talyby.