“Merkezi Aziýa – Koreýa Respublikasy” Hyzmatdaşlyk forumy
2023-nji ýylyň 1-nji noýabrynda Aşgabat şäherinde “Merkezi Aziýa–Koreýa Respublikasy” 16-njy hyzmatdaşlyk forumy geçirildi. Oňa Koreýa Respublikasynyň we Merkezi Aziýa ýurtlarynyň daşary syýasat edaralarynyň ýolbaşçylary gatnaşdylar.
Forumyň dowamynda gatnaşyjy ýurtlaryň diplomatlary we bilermenleri energetika, sanly tehnologiýalar, ykdysady howpsuzlyk, syýahatçylyk we saglygy goraýyş pudaklarynda hyzmatdaşlygy işjeňleşdirmegiň ýollaryny ara alyp maslahatlaşdylar.
Forumyň çäklerinde “Ýyldyz” myhmanhanasynyň eýwanynda Merkezi Aziýa döwletleriniň we Koreýa Respublikasynyň halklaryny birleşdirýän taryh, medeni gymmatlyklaryna bagyşlanan sergi guraldy. Oňa Koreýa Respublikasyndan, Täjigistan Respublikasynyň, Özbegistan Respublikasynyň, Gyrgyz Respublikasyndan, Gazagystan Respublikasyndan hem-de ýurdumyzdan wekilleri hem-de Türkmenistanyň Daşary işler ministrliiniň Halkara gatnaşyklary institutynyň mugallymlary we talyplary gatnaşdylar. Sergi ýokary derejede bolup, dost-doganlyk gatnaşyklarynyň birek-biregi bilen has-da ýakynlaşmagyna uly itergi berdi.
Laçyn SABYROWA,
Türkmenistanyň Daşary işler ministrliginiň
Halkara gatnaşyklary institutynyň Halkara žurnalistikasy
fakultetiniň 1-nji ýyl talyby.