Mekdep okuwçylary bilen geçirilen duşuşyk
2022-nji ýylyň 2-nji fewralynda Türkmenistanyň Daşary işler ministrliginiň Halkara gatnaşyklary institutynyň talyp ýaşlarynyň gatnaşmagynda orta mekdepler bilen bilelikde geçirilmeli çäreleriň ýyllyk meýilnamasyna laýyklykda, Aşgabat şäheriniň 21-nji ýöriteleşdirilen terbiýeçilik - okuw mekdebiniň okuwçylary bilen duşuşyk geçirildi. Duşuşygyň dowamynda talyp ýaşlar türkmen diplomatiýasynyň milli mekdebinde bilim alýan geljekki ýaş halkaraçy hünärmenler hökmünde bilim alýan ýokary okuw mekdebi we onuň düzüm bölekleri hem-de saýlap alan hünärleri, öňde goýan maksatlary barada türkmen, rus we iňlis dillerinde çykyş etdiler. Prezentasiýaly çykyşlaryň dowamynda mekdep okuwçylary özlerini gyzyklandyrýan soraglaryna giňişleýin jogap aldylar.
Mekdep okuwçylary bilen geçirilýän şeýle duşuşyklaryň esasy maksady türkmen ýaşlaryny ýokary ahlakly, aň-düşünjeli, giň dünýägaraýyşly edip terbiýeläp ýetişdirmek we olarda watansöýüjilik duýgularyny kämilleşdirmekdir.
Hatyja Döwletnazarowa,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň III ýyl talyby,
Türkmenistanyň Ýaşlar baýragynyň eýesi.