Mejlisiň deputatynyň gatnaşmagynda maslahat geçirildi
2023-nji ýylyň 21-nji fewralynda Türkmenistanyň Daşary işler ministrliginiň Halkara gatnaşyklary institutynda 2023-nji ýylyň 26-njy martynda geçiriljek Türkmenistanyň Mejlisiniň deputatlarynyň, welaýat, etrap we şäher halk maslahatlarynyň we Geňeşleriň agzalarynyň saýlawlary boýunça, şeýle hem, wagyz-nesihat işlerini geçirmek maksady bilen, Türkmenistanyň Mejlisiniň ylym, bilim, medeniýet we ýaşlar syýasaty baradaky komitetiniň başlygy Gahryman Rozyýewiň gatnaşmagynda institutymyzyň talyplary bilen duşuşyk geçirildi.
Maslahatyň dowamynda deputat edep-terbiýe, millilik ruhunda watansöýüji ýaşlary terbiýelemegiň, şeýle hem, “Ýaşlar barada döwlet syýasaty hakynda” Türkmenistanyň Kanunynyň ähmiýeti we oňa girizilen üýtgeşmeler we goşmaçalar barada gürrüň berdi. Maslahatyň dowamynda talyplar bilen sorag-jogap alyşdy.
Maslahatyň ahyrynda deputat 2023-nji ýylyň 26-njy martynda geçiriljek Türkmenistanyň Mejlisiniň deputatlarynyň, welaýat, etrap we şäher halk maslahatlarynyň we Geňeşleriň agzalarynyň saýlawlary açyklyk we aýanlyk, bäsdeşlik, hakyky demokratik ýagdaýda, guramaçylykly geçirmäge ähli mümkinçilikleri döredip berýän türkmen halkynyň Milli Lideri, Gahryman Arkadygymyza, hormatly Prezidentimize alkyş sözleri aýdyldy.
Resulberdi WELMIÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň II ýyl talyby.