«Maşgalam – baş galam» ady bilen geçirilen wagyz-nesihat çäresi
2023-nji ýylyň 29-njy noýabrynda Türkmenistanyň Daşary işler ministrliginiň Halkara gatnaşyklary institutynyň ilkinji Jemgyýetçilik guramalarynyň guramagynda institutyň talyp ýaşlarynyň arasynda milli ahlak ýörelgelerini ýaýbaňlandyrmak, zyýanly endikleriň adam saglygyna ýetirýän zyýanyny düşündirmek, maşgalanyň saglygyny, ýaşlaryň sagdyn bolmagyny, arassaçylyk kadalaryny berjaý etmeklik maksady bilen, «Maşgalam – baş galam» ady bilen wagyz-nesihat duşuşygy geçirildi. Duşuşygyň dowamynda Türkmenistanyň Daşary işler ministrliginiň Halkara gatnaşyklary institutynyň ilkinji Zenanlar guramasynyň başlygy Gyzylgül Gurbanmuhamedowa, Türkmenistanyň Saglygy goraýyş we derman senagaty ministrliginiň Aşgabat şäher 7-nji saglyk öýüniň maşgala lukmany Aýsona Allaberenowa dagy çykyş etdiler. Olar öz gezeginde ýurdumyzda ösüp gelýän ýaş nesliň zyýanly endiklerden daşda durmalydygy, saglygyň maşgaladan başlanýandygy, maşgala saglygyny ýurduň saglygyna deňelýändigi, sagdyn jemgyýeti kemala getirmegiň zerurlygy barada, şeýle hem kompýuterleri aşa köp ulanmagyň, internet torlarynda ýerleşdirilen oýunlary oýnamaklygyň, gulagyňa gulaklyk dakyp aýdym diňlemegiň adam saglygyna ýetirýän zyýany dogrusynda belläp geçdiler.
Sülgün NEPESOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary kafedrasynyň mugallymy.