MALIÝE HOWPSUZLYGY BOÝUNÇA HALKARA OLIMPIADASYNDA GAZANYLAN ÜSTÜNLIK
2023-nji ýylyň 2 – 6-njy oktýabrynda Russiýa Federasiýasynyň Soçi şäherinde Maliýe howpsuzlygy boýunça 3-nji halkara olimpiadasynyň jemleýji tapgyry geçirildi. Halkara bäsleşiginiň ahyrky tapgyrna dünýäniň 19 döwletinden talyplar we mekdep okuwçylary gatnaşdy. Olar Türkmenistan, Belarus Respublikasy, Gazagystan, Gyrgyzystan Respublikasy, Russiýa Federasiýasy, Täjigistan, Ermenistan, Braziliýa, Hindistan, Hytaý Halk Respublikasy, Günorta Afrika, Alžir, Wenezuela, Wýetnam, Eýran Yslam Respublikasy, Kuba, Namibiýa we Pakistan döwletleridir.
Deslapky saýlama tapgyryna esaslanyp, Türkmenistanyň Maliýe we Ykdysadyýet ministrliginiň we Türkmenistanyň Bilim ministrliginiň Maliýe gözegçilik gullugynyň wekilleriniň gatnaşmagynda Türkmenistanyň ýokary okuw mekdeplerinden degişlilikde 10 talypdan ybarat topar biziň ýurdumyza wekilçilik etdi.
Talybymyz Amanbagt Ussaýewa hem bu halkara bäsleşigiň jemleýji tapgyryna gatnaşmak hukugyny gazandy we taýýarlygyň dört ugry boýunça çykyş etdi. Bäsleşik Ykdysadyýet, Maliýe we karz, hukuk, hukuk howpsuzlygy we halkara gatnaşyklary ýaly ugurlarda geçirildi. Bularyň hemmesi maliýe howpsuzlygynyň biri-biri bilen baglanyşykly ugurlarydyr.
Halkara bäsleşik Russiýa Federasiýasynyň Sirius federal sebitinde geçirildi we özüniň gyzykly meýilnamasy bilen tapawutlandy. Halkara olimpiadanyň çäginde gatnaşyjylar tematiki okuw sapaklaryna, interaktiw oýunlara we maliýe howpsuzlygy boýunça hünärmenler bilen duşuşyklara gatnaşdylar. Mundan başga-da, Maliýe howpsuzlygy boýunça ýöriteleşdirilen ýokary okuw mekdepleriniň sergisi geçirildi we gatnaşyjylar ýokary okuw mekdepleriniň hödürleýän mümkinçilikleri bilen tanyşdylar. Bäsleşigiň netijelerine görä, oňa gatnaşan talybymyz degişli şahadatnama mynasyp boldy.
Akjagül ANNAÝEWA,
Türkmenistanyň Daşary işler ministrliginiň
Halkara gatnaşyklary institutynyň laboranty.