«MAGTYMGULY—DÜNÝÄNIŇ AKYLDARY» ESERINIŇ TERBIÝEÇILIK ÄHMIÝETINE BAGYŞLANAN OKUW SEMINARY
2025-nji ýylyň 11-nji aprelinde Hormatly Prezidentimiziň, Arkadagly Gahryman Serdarymyzyň «Magtymguly—dünýäniň akyldary» atly ajaýyp kitabynyň many-mazmunyny açyp görkezmek maksady bilen, Türkmenistanyň Daşary işler ministrliginiň Halkara gatnaşyklary institutynda okuw seminary geçirildi. Okuw seminary «Döwürleriň we siwilizasiýalaryň şahyry» temasyna bagyşlanyp, oňa institutyň Halkara ykdysady gatnaşyklary fakultetiniň 5-nji ýyl talyplary gatnaşdylar.
Okuw sapagynda ykdysatçy talyplara türkmeniň dana akyldary Magtymguly Pyragynyň ynsanperwerlige ýugrulan eserleriniň terbiýeçilik ähmiýeti dogrusynda maglumatlar berildi. Eseriň Magtymguly Pyragynyň dünýä ýüzünde giňden dabaralanmasyny beýan edýän «Parahatçylygyň şahyry» atly bölümindäki söhbetler okuw sapagynyň täsirliligini has-da artdyrdy.
Magtymguly Pyragynyň döredijiliginde Watan, il-gün, mertlik, gahrymançylyk ýaly ynsanyň ahlak esaslaryny beýan edýän şygyrlarynyň okalmagy bilen okuw sapagyna gatnaşan talyplarda milli guwanç duýgusyny goşalandyrdy.
Mährijemal MÄMEDOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary
kafedrasynyň uly mugallymy.