Köňülleriň senasy - Jan Watanym, Türkmenistan!
Türkmenistanyň Daşary işler ministrliginiň Halkara gatnaşyklary institutynda Aşgabat şäheriniň Berkararlyk etrap häkimligi, Berkararlyk etrap prokuraturasy, Türkmenistanyň Jemgyýetçilik guramalary bilen bilelikde guramagynda Türkmenistanyň Milli Geňeşiniň Halk maslahatynyň nobatdan daşary mejlisiniň ähmiýetini ilat arasynda wagyz etmek boýunça ady bilen wagyz-nesihat çäresi geçirildi. Maslahata degişli edaralaryň wekilleri Türkmenistanyň Daşary işler ministrliginiň Halkara gatnaşyklary institutynyň professor-mugallymlary we talyplary gatnaşdylar.
Maslahatda dowamynda Türkmenistanyň Milli Geňeşiniň Halk maslahatynyň agzasy Ýeňiş Haýtjanow, Türkmenistanyň Milli Geňeşiniň Mejlisiniň deputaty Batyr Baýlyýew we Berkararlyk etrap prokuraturasynyň prokurorynyň kömekçisi II derejeli ýurist Bibihajar Orazowa dagy çykyş etdiler. Olar öz çykyşlarynda döwlet Baştutanymyzyň 2022-nji ýylyň 7-nji ýanwarynda sanly ulgam arkaly geçiren Ministrler Kabinetiniň mejlisinde beren tabşyryklaryna laýyklykda, geljek 30 ýylda ýurdumyzy syýasy, ykdysady, durmuş we medeni taýdan ýokary depginlerde ösdürmegi üpjün etmek maksady bilen, birnäçe wezipeleri ýerine ýetirmek göz öňünde tutulýar. Şolaryň hatarynda ykdysadyýetiň düzümlerini üýtgedip guramagy, dolandyryşyň täze, has netijeli usullaryny bazar ykdysadyýeti şertlerinde ornaşdyrmagy dowam etdirmek, makroykdysady we maliýe durnuklylygyny saklamak; “ýaşyl ykdysadyýet” syýasatyny alyp barmak; sanly ykdysadyýeti we sanly tehnologiýalary giňden ornaşdyrmak; ykdysady-geografik ýerleşişiň amatlyklaryndan netijeli peýdalanyp, multimodal ulag geçelgelerini we ugurlaryny döretmek, ulag-logistika ulgamlarynyň ösmegi üçin amatly şertleri üpjün etmek; amatly işewürlik gurşawyny kämilleşdirmegiň hasabyna kiçi we orta telekeçiligiň ornuny güýçlendirmek we jemi içerki önümde hususy bölegiň paýyny has-da ýokarlandyrmak, döwlet-hususyýetçilik hyzmatdaşlygynyň ösüşini işjeňleşdirmek dogrusynda belläp geçdiler.
Duşuşygyň ahyrynda institutyň prorektory Gülşat Ýusupowa maslahaty jemläp, “Berkarar döwletiň täze eýýamynyň Galkynyşy: Türkmenistany 2022 — 2052-nji ýyllarda durmuş-ykdysady taýdan ösdürmegiň Milli maksatnamasynyň» taslamasynda ýaş nesle aýratyn üns berilýändigini, ýaş nesliň kämil bolmagynda giň mümkinçilikleriň we şertleriň döredilýändigi aýtdy. Şeýle-de talyp ýaşlary watansöýüjilik ruhunda terbiýelemekde institutda birnäçe zerur işleriň alnyp barylýandygyny belläp, şu günki çäräniň dowamynda aýdylan giňişleýin maglumatlaryň talyplar üçin ähmiýetlidigini nygtady.
Maslahatyň ahyrynda oňa gatnaşyjylar ýaşlaryň hukuk medeniýetini ýokarlandyrmakda giň mümkinçilikleri döredip berýän hormatly Prezidentimize alkyş sözlerini aýtdylar!
Çemen BAÝRYÝEWA,
Türkmenistanyň Daşary işler ministrliginiň
Halkara gatnaşyklary institutynyň
Dünýä dilleri kafedrasynyň uly mugallymy