“Iňlis dili” dersi boýunça I halkara internet olimpiadasynda talyplaryň gazanan netijeleri
2022-nji ýylyň 24-nji maýynda Döwletmämmet Azady adyndaky Türkmen milli dünýä dilleri institutynda “Iňlis dili” dersi boýunça I halkara internet olimpiadasynyň netijeleri barada sylaglaýyş dabarasy geçirildi.
Türkmenistanyň ýokary okuw mekdepleriniň talyplarynyň arasynda zehinli ýaşlary ýüze çykarmak maksady bilen, “Türkmenistanda daşary ýurt dillerini okatmagy kämilleşdirmegiň Konsepsiýasyny”, “Türkmenistanda sanly bilim ulgamyny ösdürmegiň Konsepsiýasyny” durmuşa ornaşdyrmagyň çäklerinde we halkara derejesinde geçirilen bu I halkara internet olimpiadasyna Türkmenistanyň Daşary işler ministrliginiň Halkara gatnaşyklary institutyndan 39 talyp gatnaşyp, olardan 12 sanysy ýokary netijeleri görkezip, sylaglaýyş dabarasyna gatnaşdylar. Sylaglaýyş dabarasynda Halkara ykdysady gatnaşyklary fakultetiniň III ýyl talyby Jahangir Polatbaýew özüniň hoşallyk sözlerini beýan etdi.
Şageldi ÇOPANOW,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň V ýyl talyby.