Ilçi bilen geçirilen okuw sapagy
2021-nji ýylyň 16-njy iýunynda Türkmenistanyň Daşary işler ministrliginiň Halkara gatnaşyklary institutynda “Türkmenistan bilen Ukrainanyň arasyndaky hyzmatdaşlyk” atly tema bagyşlanyp wideoaragatnaşyk ulgamy arkaly onlaýn okuw sapagy geçirildi. Türkmenistanyň daşary ýurtlardaky diplomatik wekilhanalarynyň ýolbaşçylarynyň geçirýän toplumlaýyn onlaýn sapaklaryň çäginde guralan bu okuwa Türkmenistanyň Ukrainadaky Adatdan Daşary we Doly ygtyýarly ilçisi Toýly Ataýew we Halkara gatnaşyklary institutynyň talyplary gatnaşdylar. Sapak ýokary okuw mekdebiniň talyplarynyň diplomatiýa bilen bagly bilim derejelerini has-da kämilleşdirmek maksady bilen guraldy.
Okuw sapagynda çykyş eden hormatly ilçi Türkmenistan bilen Ukrainanynyň arasyndaky hyzmatdaşlygyň taryhy, şol geçen taryhy döwürde alnyp barlan diplomatik hyzmatdaşlygyň aýratynlyklary hakynda gürrüň berdi.
Duşuşygyň ahyrynda talyplar ilçä Türkmenistan bilen Ukrainanyň arasyndaky dostlukly we özara bähbitli hyzmatdaşlygy has-da ösdürmäge gönükdirilen sowallary berdiler we bu ugurda özara pikir alyşdylar.
Selbi ILÝASOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň I ýyl talyby.