Ilçi bilen geçirilen duşuşyk
2023-nji ýylyň 22-nji fewralynda Türkmenistanyň Daşary işler ministrliginiň Halkara gatnaşyklary institutynda Dominikan Respublikasynyň Türkmenistana täze bellenen Adatdan Daşary we Doly ygtyýarly Ilçisi (oturýan ýeri – Ankara şäheri) Elwis Antonio Alam Loran bilen duşuşyk geçirildi. Oňa Milli diplomatiýanyň ýokary okuw mekdebiniň professor mugallymlary we talyp ýaşlary gatnaşdylar.
Duşuşygyň barşynda hormatly Ilçi Türkmenistan bilen Dominikan Respublikasynyň arasyndaky syýasy-diplomatik hem-de ylym-bilim ugurlar boýunça üstünlikli alnyp barylýan hyzmatdaşlygyň aýratynlyklary barada gürrüň berdi. Şeýle-de hormatly Ilçi talyplary özüniň baý iş tejribesi bilen tanyşdyrdy.
Täsirli geçen duşuşygyň ahyrynda talyplar hormatly Ilçi bilen ýadygärlik suratyna düşdüler.
Batyr ESENOW,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň II ýyl talyby.