Il saglygy — ýurt baýlygy
2025-nji ýylyň 2-nji aprelinde Myrat Garryýew adyndaky Türkmenistanyň Döwlet lukmançylyk uniwersitetiniň guramagynda «D witamininiň adam bedenindäki orny we onuň çeşmesi» atly tema boýunça onlaýn görnüşde açyk sapagy geçirildi. Oňa ýurdumyzyň ýokary okuw mekdepleriniň, lukmançylyk orta hünär okuw mekdepleriniň, şeýle hem Türkmenistanyň Daşary işler ministrliginiň Halkara gatnaşyklary institutynyň lukmany, talyp ýaşlary gatnaşdylar.
Açyk sapakda Gahryman Arkadagymyzyň başlangyjy bilen işlenip düzülen hem-de Arkadagly Gahryman Serdarymyzyň parasatly baştutanlygynda üstünlikli dowam etdirilýän «Saglyk» Döwlet maksatnamasyndan gelip çykýan, şeýle hem «Berkarar döwletiň täze eýýamynyň Galkynyşy: Türkmenistany 2022 — 2052-nji ýyllarda durmuş-ykdysady taýdan ösdürmegiň Milli maksatnamasynyň» çäklerinde durmuşa geçirilýän işler dogrusynda giňişleýin söhbet etdiler. Şunuň bilen baglylykda, häzirki wagtda howanyň üýtgemegi bilen bagly ýüze çykyp biläýjek keselleriň öňüni almakda degişli arassaçylyk kadalarynyň berk berjaý edilmelidigini nygtadylar.
Bu açyk sapak Diýarymyzyň geljegi bolan ýaş nesilleriň berk bedenli, sagdyn ruhly, kämil adamlar bolup ýetişmeklerine oňyn täsir etmek bilen, sagdyn durmuş ýörelgelerini, köpçülikleýin sporty wagyz etmekde aýratyn ähmiýete eýedir. Şeýle-de, saglygyňy berkitmekde sport ýaryşlaryna, köpçülikleýin bedenterbiýä möhüm ornuň degişlidigi bellenildi.
Orazbagt ATAÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara
žurnalistikasy fakultetiniň 1-nji ýyl talyby.