Hoşallyk maslahaty geçirildi
2021-nji ýylyň 29-njy iýunynda Türkmenistanyň Daşary işler ministrliginiň Halkara gatnaşyklary institutynda Türkmenistanyň Milli geňeşiniň mejlisiniň deputatlarynyň, Halk maslahatynyň agzalarynyň, şeýle-de ýokary okuw mekdebiniň professor-mugallymlarynyň gatnaşmagynda hoşallyk maslahaty geçirildi.
Maslahatda ýaňy-ýakynda Lebap welaýatynda ýurdumyzda giň möçberde bellenilip geçilen Medeniýet hepdeliginiň çäginde gurlup ulanylmaga berlen Halkara howa menzili, türkmeniň ak öýi binasy, olarda üpjün edilen şertler, dünýä ülňülerine gabat gelýän döwrebap arhitektura barada gürrüň edildi. Şeýle-de binalaryň açylmagynyň maksady, ýurdumyzyň ösüşine, halkara derejesinde at-abraýynyň beýgelmeginde goşýan goşandy dogrusynda pikir alşyldy.
Ýurdumyz boýunça giňden bellenilen Medeniýet we sungat işgärleriniň, hem-de Magtymguly Pyragynyň şygryýet güni, şeýle-de medeniýet hepdeligi barada, onuň geçirilişi we galdyran täsiri dogrusynda maslahatda giňden gürrüňdeşlik geçirildi.
Maslahatyň ahyrynda oňa gatnaşyjylar hormatly Prezidentimize ýurdumyzyň pajarlap ösmeginde, halkara derejsinde at-abraýynyň beýgelmeginde, Diýarymyzy has-da ösdürmek ugrunda alyp barýan taýsyz tagallalary, şeýle-de medeniýet we sungat işgärleriniň taýsyz zähmetine goýýan hormaty üçin köp sagbolsun aýtdylar.
Mähriban HUDAÝGULYÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň I ýyl talyby.