Hoşallyk dabarasy
2021-nji ýylyň 12-nji iýunynda Türkmenistanyň Daşary işler ministrliginiň Halkara gatnaşyklary institutynyň uly mejlisler zalynda milli diplomatiýa ulgamynyň ösmegine ägirt uly goşandyny goşan, ömrüniň manyly we ýokary netijeli zähmet ýoluny türkmen diplomatik gullugyna bagyşlan Türkmenistanyň Adatdan daşary we Doly ygtyýarly ilçisi Amangeldi Rahmanowa Türkmenistanyň Ýokary attestasiýa Komitetiniň 2020-nji ýylyň 20-nji noýabryndaky çözgüdi bilen Halkara gatnaşyklaryň we daşary syýasatyň taryhy hünäri boýunça professor alymlyk adynyň dakylmagy mynasybetli hoşallyk dabarasy geçirildi. Dabara institutyň professor-mugallymlary we talyp ýaşlary gatnaşdylar.
Dabaranyň dowamynda çykyş eden institutyň rektory, professor-mugallymlary, talyp ýaşlary Halkara gatnaşyklary we diplomatiýa kafedrasynyň müdiri, filosofiýa ylymlarynyň kandidanty, taryh ylymlarynyň doktory, professor Amangeldi Rahmanowyň Türkmenistanyň daşary syýasaty ugrunda alyp baran nusgalyk işleriniň, ýazan kitaplarynyň we ylmy işleriniň geljekki ýaş nesillere ýol-ýörelge, uly gollanmadygyny nygtap, professora işlerinde we durmuşynda mundan beýläk hem uly üstünlikleri arzuw etdiler.
Amangeldi Rahmanow hem öz çykyşynda ýurdumyzda her ýylda giňden bellenilýän Ylymlar güni mynasybetli Ylymlar Akademiýasynda geçirilen dabarada professor alymlyk adynyň dakylandygy üçin hormatly Prezidentimize hoşallyk bildirip, häzirki wagtda ylmy işgärleriň hünärini ýokarlandyrmak, dünýäniň iri ylym-bilim merkezleri, halkara guramalar we gaznalar bilen hyzmatdaşlygy ýola goýmakda giň mümkinçilikleriň döredilýändigini belläp geçdi.
Gyzlargül ANNAGURDOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň I ýyl talyby.