Hoş gal, talyp ýyllarym!
2022-nji ýylyň 13-nji iýunynda Türkmenistanyň Daşary işler ministrliginiň Halkara gatnaşyklary institutynda bu ýokary okuw mekdebiň uçurym talyplary, magistrantlary üçin guralan «Hoş gal, talyp ýyllarym!» atly gutardyş dabara geçirildi. Dabaranyň dowamynda Türkmenistanyň Daşary işler ministrliginiň Halkara gatnaşyklary institutynyň rektory, taryh ylymlarynyň kandidaty Jumamyrat Gurbangeldiýew, ýokary okuw mekdebimiziň Halkara gatnaşyklary we diplomatiýa kafedrasynyň müdiri, Türkmenistanyň Adatdan daşary we doly ygtyýarly Ilçisi, filosofiýa ylymlarynyň kandidaty, taryh ylymlarynyň doktory, professor Amangeldi Rahmanow, Türkmenistanyň Daşary işler ministrliginiň Sanly diplomatiýa bölüminiň başlygynyň w.w.ý.ý. Aýgözel Aramedowa dagy çykyş edip, uçurymlara durmuşda ak ýol arzuw etdiler.
Hoşlaşyk dabaranyň çäginde bütin okuw ýyllarynyň dowamynda tapawutly okap, jemgyýetçilik çärelere işjeň gatnaşan talyplar Hormat hatlary bilen sylaglanyldy. Baýramçylyk dabaranyň dowamynda Türkmenistanyň Magtymguly adyndaky milli sazly drama teatrynyň sahna ussatlarynyň ýerine ýetirmegindäki ajaýyp aýdymlary, sahna oýunlary tomaşaçylarda ýatdan çykmajak täsir galdyrdy.
Gurbansähet GURBANSÄHEDOW,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň I ýyl talyby.
Şeýle hem bu barada şu ýerden okap bilersiňiz!