Hormatly Prezidentimiziň “Ýaşlar - Watanyň daýanjy” atly kitabyna bagyşlanan dabaraly maslahat
2024-nji ýylyň 1-nji aprelinde Türkmenistanyň Daşary işler ministrliginiň Halkara gatnaşyklary institutynda hormatly Prezidentimiziň “Ýaşlar – Watanyň daýanjy” atly kitabyna bagyşlanan aýdym-sazly dabaraly maslahat geçirildi. Maslahata professor-mugallymlardyr talyp ýaşlar gatnaşdylar.
Maslahatyň dowamynda cykyş edenler hormatly Prezidentimiziň “Ýaşlar – Watanyň daýanjy” atly kitabynda eriş-argaç bolup geçýän ýurdumyzyň ýaşlar baradaky döwlet syýasatynyň durmuşa geçirilişi, ýurdumyzda ýaşlar üçin döredilýän mümkinçilikler, ýaşlar bilen bagly kabul edilen resminamalar, ýaşlary terbiýelemekde türkmen halkynyň akyldar şahyry Magtymguly Pyragynyň döredijiliginiň ähmiýeti barada täsirli çykyş etdiler. Çykyş edenler hormatly Prezidentimiziň öz ilkinji neşirinde türkmenistanly ýaşlaryň çeken zähmetine we gazanan üstünliklerine ýokary baha berendigini, ýaşlaryň ýeten sepgitleriniň kitabynda ýerleşdirendigini buýsanç bilen aýtdylar. Şeýle-de bu kitabyň her bir ýaş raýat üçin gymmatly çeşme we gollanma bolup hyzmat etjekdigini belläp geçdiler. Dabara institutyň çeper-höwesjeňler toparynyň taýýarlan aýdym-sazly çykyşlary bilen utgaşdyrylmagy bilen dabaranyň ruhuna öwüşgin çaýdy.
Gülruh GELDIÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň III ýyl talyby.