“Horezmşalar döwleti Muhammet şanyň döwründe” atly onlaýn ylmy-okuw maslahaty geçirildi
2024-nji ýylyň 5-nji noýabrynda Türkmen oba hojalyk institutynyň Jemgyýeti öwreniş ylymlary kafedrasynyň mugallymy Şatlyk Hudaýberdiýewiň “Horezmşalar döwleti Muhammet şanyň döwründe” atly temasy boýunça geçiren onlaýn ylmy-okuw maslahatyna Türkmenistanyň Daşary işler ministrliginiň Halkara gatnaşyklary institutynyň mugallymlary we talyp ýaşlary gatnaşdylar. Şol bir wagtda maslahata Türkmenistanyň Döwlet energetika instituty, Seýitnazar Seýdi adyndaky Türkmen döwlet mugallymçylyk instituty ýaly ýokary okuw mekdepleriniň mugallymlary hem-de talyplary sanly ulgam arkaly gatnaşdylar. Maslahatyň dowamynda Horezmşalar döwletiniň Muhammet şanyň döwründäki taryhyny, gyzykly maglumatlary, içeri we daşary syýasatynyň ýagdaýyny şeýle hem möhüm ugurlar boýunça beýleki döwletler bilen alyp baran gatnaşykalary barada gürrüň berdi.
Onlaýn ylmy-okuw maslahata gatnaşan talyplar özlerini gyzyklandyrýan sowallar bilen ýüzlenip, olara kanagatlanarly jogaplary aldylar. Bu bolsa talyplar üçin örän ähmiýetli bolup, olaryň taryha bolan gyzyklanmalaryny artdyrdy.
Abraýhan IKRAMOW,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň II ýyl talyby.