Dary - müňýyllygyň iýmiti
Hindistan Respublikasynyň Ilçihanasynyň gurnamagynda duşuşyk geçirildi
2023-nji ýylyň 13-nji aprelinde Türkmenistanyň Daşary işler ministrliginiň Halkara gatnaşyklary institutynda “Dary: müňýyllygyň iýmiti” ady bilen okuw sapagy geçirildi. Bu okuw sapagynda Hindistan Respublikasynyň Ilçihanasynyň gurnamagynda Aýurwediň bilermeni, professor Ramrao Patila çykyş etdi. Oňa Türkmenistanyň Daşary işler ministrliginiň Halkara gatnaşyklary institutynyň mugallymlary hem-de talyp ýaşlary gatnaşdylar.
Mälim bolşy ýaly, 2021-nji ýylyň mart aýynda BMG-nyň 75-nji sessiýasynda “2023-nji ýyl bütindünýä dary ýyly” diýlip yglan edildi. Bilermen bu ösümligiň adam saglygyna peýdasy we dürli görnüşli keselleri bejermekde onuň ähmiýetiniň uludygy barada giňişleýin gürrüň berdi.
Maslahatyň ahyrynda talyp ýaşlar myhmanlara özlerini gyzyklandyrýan sowallar bilen ýüzlendiler.
Baýmuhammet ATAÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň
I ýyl talyby.
Bu barada şu ýerde hem okap bilersiňiz: