Haýyr-sahawat çäresi: «Ýürekleri birleşdirýän hoşniýetlilik»
Häzirki zaman dünýäsinde, mätäç çagalara hemaýat bermek aýratyn
möhümdir. Bu maksat bilen, 2025-nji ýylyň 26-njy maýynda Türkmenistanyň
Daşary işler ministrliginiň Halkara gatnaşyklary institutynyň mugallymlarynyň
we talyplarynyň guramagynda Aşgabat şäheriniň kömekçi mekdebinde
okaýan çagalar üçin haýyr-sahawat çäresi geçirildi. Haýyr-sahawat çäresine
Türkmenistanyň Daşary işler ministrliginiň Halkara gatnaşyklary institutynyň
Dünýä dilleri kafedrasynyň «Lingvo World» we «EcoClub» gurnaklary, «Ýaş
alymlar geňeşi», şeýle hem Halkara hukugy we deňeşdirme hukuk öwreniş
kafedrasynyň «Ýaş hukukçylar» gurnagynyň ýolbaşçylary we işjeň agzalary
gatnaşdylar.
Bu gurnaklaryň işjeň agzalary öz ukyp-başarnyklaryny görkezip, talyplar
okuwçylar üçin sowgatlyk okuw esbaplaryny taýýarladylar.
Çäre aýdym-sazly bäsleşikler, döredijilik işleri we gyzykly oýunlar bilen
utgaşdyryldy. Her bir çaga üns bilen gurşaldy, sebäbi her bir çaganyň
diňlenilmegi we zerurlyklarynyň duýulmagy möhümdir. Açyk duýgular, çyn
yürekden ýylgyryşlar we çagalaryň begençli bakyşlary guramaçylar üçin iň
gowy sylag boldy.
Bu çäre diñe bir Aşgabat şäheriniň 1-nji kömekçi mekdebiniň okuwçylary
üçin baýramçylyk bolman, çagalara ýardam etmek esasynda tagallalary
birleşdirdi.
Haýyr-sahawat diňe bir kömek bolman, eýsem özara düşünişmek we goldaw
esasynda jemgyýet gurmagyň ýoludyr. Çagalaryň hemmetaraplaýyn
sazlaşykly ösmegi, jemgyýetimiziň durmuşyna doly derejede gatnaşmagy
üçin oňaýly şertleriň döredilmegi ugrunda döwlet derejesinde yzygiderli
tagallalar edilýär.
Annagül HEKIMOWA,
Türkmenistanyň Daşary işler ministrliginiň
Halkara gatnaşyklary institutynyň
Dünýä dilleri kafedrasynyň mugallymy.