Halypadan halypa sapagy
2022-nji ýylyň 12-nji sentýabrynda 5-6 sagatlary Türkmenistanyň Daşary işler ministrliginiň Halkara gatnaşyklary institutynyň Halkara ykdysady gatnaşyklary fakultetiniň halkara ykdysady gatnaşyklary hünäriniň 103-nji toparynda Jemgyýeti öwreniş ylymlary kafedrasynyň uly mugallymy, filosofiýa ylymlarynyň kandidaty Ogulgurban Sapargeldiýewna Ezimowanyň, toparyň halypa mugallymy Aýna Sätgeldiýewanyň hem-de talyplaryň gatnaşmagynda halypa sagady geçirildi. Halypa sagadynyň esasy meselesi Döwlet Baştutanymyzyň Türkmenistanyň Magtymguly adyndaky Ýaşlar guramasynyň VII gurultaýynda eden çykyşy we «Ýol hereketiniň howpsuzlygy – ömrümiziň rahatlygy» atly biraýlyk çäräniň ähmiýeti barada boldy. Esasan hem, institutymyzyň halypa mugallymy O.Ezimowa hormatly Prezidentimiziň Türkmenistanyň Magtymguly adyndaky Ýaşlar guramasynyň VII gurultaýynda eden taryhy çykyşynyň ähmiýeti we talyp ýaşlaryň öňünde durýan wezipeler dogrusynda çykyş etdi we sorag-jogap alşyldy. Toparyň halypa mugallymy bolsa, «Ýol hereketiniň howpsuzlygy – ömrümiziň rahatlygy» atly biraýlygyň dowamynda talyplaryň arasynda sagdyn durmuş we milli ahlak ýörelgelerini, ýol hereketiniň howpsuzlygyny berjaý etmek, kanun bozulmalaryň öňüni almak barada giňişleýin düşündirdi.
Selbi TÄŞLIÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň
1-nji ýyl talyby.