HALYPA MUGALLYMYŇ ÜSTÜNLIGI
2024-nji ýylyň «Pähim-paýhas ummany Magtymguly Pyragy ýyly» diýlip atlandyrylmagy bilen Magtymguly Pyragynyň döredijiliginiň dünýä dolan şöhratyny has-da beýgeltmek we ony giňden wagyz etmek, bu ugurda halkara hyzmatdaşlygy pugtalandyrmak boýunça ýurdumyzda giň gerimli işler alnyp barylýar.
Şol sanda Türkmenistanyň Medeniýet ministrliginiň we Türkmenistanyň Ylymlar Akademiýasynyň guramagynda ýakynda «Iň gowy monografiýa, makala, eser» atly bäsleşigi geçirildi. Bäsleşikde Türkmenistanyň Daşary işler ministrliginiň Halkara gatnaşyklary institutynyň Jemgyýeti öwreniş ylymlary kafedrasynyň uly mugallymy, taryh ylymlarynyň kandidaty Bahar Hojagulyýewanyň «Magtymguly Pyragy adyndaky mekdep we onuň türkmen-rus gatnaşyklaryny ösdürmekdäki ähmiýeti» atly «Türkmenistanda ylym we tehnika» žurnalynda çap edilen ylmy makalasy II orna mynasyp boldy.
Biziň nusgawy şahyrlarymyzy sarpalaýan, olara hormat goýýan türkmen halkynyň Milli Lideri Gahryman Arkadagymyza, Arkadagly Gahryman Serdarymyza köp sagbolsun aýdýarys.
Sahydöwlet HÜMMETJUMAÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara
gatnaşyklary fakultetiniň I ýyl talyby