HALYPA MUGALLYM BILEN OKUW SAPAGY GEÇIRILDI
2025-nji ýylyň 29-njy martynda Türkmenistanyň Daşary işler ministrliginiň
Halkara gatnaşyklary institutynda Türkmenistanyň Kärdeşler arkalaşyklarynyň
Milli merkeziniň bölüm müdiri, halypa mugallym, alym, hukuk ylymlarynyň
doktory, professor, Türkmenistanyň at gazanan ýuristi, Hormatly il ýaşulusy Myrat
Öwezgeldiýewiç Haitowyň “Häzirki zaman halkara hukugyny kämilleşdirmegiň
ýollary” atly tema boýunça okuw sapagy geçirildi. Bu okuw sapagyna institutyň
ähli fakultetleriň talyplary gatnaşdylar.
Okuw sapagynyň dowamynda professor ýurdumyzda amala aşyrylýan
düýpli özgertmeler we täze ösüşler gönüden-göni ykdysadyýetiň ähli ugurlaryny
gurşap alynýandygy, hormatly Prezidentimiziň tagallasy bilen, bilim
özgertmeleriniň hukuk binýadynyň yzygiderli berkedilýändigi hem-de kämil
Kanunlaryň kabul edilmeginiň döwletimiziň ykdysady, medeni, durmuş
ugurlaryndaky ynamly ösüşlerini we ygtybarly öňe gitmegini kepillendirýändigi
barada giňişleýin gürrüň berdi.
Şeýle hem okuw sapagynyň dowamynda professor ýurdumyzda kabul
edilýän hukuknamalaryň halkara hukugynyň kadalaryna laýyk getirilýändigi we bu
işleriň yzygiderli kämilleşdirilýändigini aýtmak bilen, häzirki wagtda halkaraçy
hünärmenleriň ornuny aýratyn kesgitledi.
Talyplar üçin halkara hukugy bilen baglanyşykly okuw sapagy örän täsirli
boldy. Onda talyplar özlerini gyzyklandyrýan sowallara jogap tapdyrlar.
Merjen GURBANNAZAROWA,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy we deňeşdirme hukuk öwreniş
kafedrasynyň uly mugallymy.