Halkara Zenanlar güni mynasybetli geçirilen baýramçylyk dabarasy
2023-nji ýylyň 4-nji martynda Türkmenistanyň Daşary işler ministrliginiň Halkara gatnaşyklary institutynda “Halkara Zenanlar güni” atly baýramçylyk dabarasy geçirildi. Oňa Türkmenistanyň Daşary işler ministrliginiň Halkara gatnaşyklary institutynyň professor-mugallymlary we talyp ýaşlary gatnaşdylar.
Dabarada Türkmenistanyň Daşary işler ministrliginiň rektory J.Gurbangeldiýew çykyş edip, “Halkara Zenenlar güni” mynasybetli ähli zenanlary ýetip gelýän 8-nji mart baýramyny tüýs ýürekden gutlady.
Dabaranyň dowamynda Hormatly Prezidentimiziň adyndan institutymyzda zähmet çekýän zenan professor-mugallymlaryna hem-de talyp gyzlaryna pul sowgady dabaraly ýagdaýda gowşuryldy. Şeýle hem, institutymyzyň talyp ýaşlarynyň baýramçylyk mynasybetli taýýarlan aýdym-sazly çykyşlary bilen dowam etdirildi.
Çäräniň ahyrynda halkara gatnaşyklarynda ýurdumyzyň abraýyny artdyrmaga we geljekki nesillere görelde bolmaga döredip berýän giň mümkinçilikleri üçin hormatly Prezidentimize sag bolsun aýdyldy.
Şirmuhammet AMANOW,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň III ýyl talyby.