Halkara ylmy maslahatynyň umumy mejlisi geçirildi
2024-nji ýylyň 10-njy oktýabrynda «Sport» myhmanhanasynyň mejlisler zalynda «Saglygy goraýyş, bilim we sport Berkarar döwletiň täze eýýamynyň Galkynyşy döwründe» atly halkara ylmy maslahatynyň umumy mejlisi geçirildi.
Ylmy maslahatyň başynda Türkmenistanyň Ministrler Kabinetiniň Başlygynyň orunbasary B.Orazdurdyýewa çuňňur hormatlanylýan Türkmenistanyň Prezidentiniň «Saglygy goraýyş, bilim we sport Berkarar döwletiň täze eýýamynyň Galkynyşy döwründe» atly halkara ylmy maslahatyň öz işine başlamagy mynasybetli halkara ylmy maslahata gatnaşyjylara iberen Gutlagyny okady. Halkara ylmy maslahatynda ýurdumyzyň we daşary ýurtlaryň saglygy goraýyş ulgamynda zähmet çekýän hünärmenleri çykyş etdiler.
Maslahatyň dowamynda «Saglygy goraýyş, bilim we sport Berkarar döwletiň täze eýýamynyň Galkynyşy döwründe» atly halkara sergisine gatnaşan öňdebaryjy kompaniýalaryna diplomlaryň gowşuryş dabarasy boldy.
Ylmy maslahatyň ahyrynda «Saglygy goraýyş, bilim we sport Berkarar döwletiň täze eýýamynyň Galkynyşy döwründe» atly halkara ylmy maslahatyna gatnaşyjylaryň adyndan çuňňur hormatlanylýan Türkmenistanyň Prezidentine ýüzlenme kabul edildi.
Sylap KULLYÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň III ýyl talyby.