HALKARA PARAHATÇYLYK WE YNANYŞMAK ÝYLYNYŇ NYŞANYNYŇ MANY-MAZMUNYNY DÜŞÜNDIRMEK BOÝUNÇA WAGYZ-NESIHAT DUŞUŞYGY GEÇIRILDI
Türkmenistanyň Daşary işler ministrliginiň Halkara gatnaşyklary institutynyň mugallymlary we talyplary tarapyndan Halkara parahatçylyk we ynanyşmak ýylynyň nyşanynyň many-mazmunyny, hemişelik Bitaraplygymyzyň gadyr-gymmatyny düşündirmek boýunça Aşgabat we Arkadag şäherleriniň orta mekdeplerinde geçirilmeli wagyz-nesihat duşuşyklaryň tassyklanan meýilnamasyna laýyklykda, 2025-nji ýylyň 12-nji noýabrynda Aşgabat şäherleriniň takyk we iňlis dili derslerini çuňlaşdyryp öwredýän ýöriteleşdirilen 6-njy orta mekdebinde wagyz-nesihat duşuşygy geçirildi.
Çykyş eden mugallymlar we talyp ýaşlarymyz ösüp gelýän ýaşlarda milli mirasymyza bolan sarpany kemala getirmek, sagdyn durmuş ýörelgesine eýermek, watansöýüjilik, edermenlik, arassa ahlaklylyk, halallyk, zähmetsöýerlik ýaly häsiýetleri terbiýelemek maksady bilen, durmuşdan alnan mysallar arkaly çykyş etdiler. Şeýle hem çykyşlarda Gahryman Arkadagymyzyň başlangyjy bilen, hormatly Prezidentimiziň ýolbaşçylygynda häzirki zaman türkmen jemgyýetinde ylymly-bilimli ýaş nesli kemala getirmek, olary milli ruhda terbiýelemek üçin alnyp barylýan işler barada hem aýratyn durup geçdiler.
Meýilnamanyň çäginde gurnalýan wagyz-nesihat duşuşyklary Berkarar döwletiň täze eýýamynyň Galkynyşy döwründe döwletimiziň dünýädäki ornuny has-da berkitmek, halkara hyzmatdaşlyk, ynanyşmak we dostluk ýörelgelerine esaslanýan içeri we daşary syýasatyny, umumadamzat bähbitli halkara başlangyçlaryny giňden wagyz etmek hem-de dünýä ýaýmak, Türkmenistanyň hemişelik Bitaraplygynyň şanly 30 ýyllygyny we halkymyzyň gadymdan gelýän parahatçylyk söýüjilik, hoşniýetlilik, ynsanperwerlik, myhmansöýerlik däplerini Ýer ýüzünde şöhratlandyrmak, raýatlarymyzyň watançylyk ruhuny has-da belende götermek şeýle-de, ýaş nesli Garaşsyz, hemişelik Bitarap Türkmenistana uly buýsanç, çäksiz söýgi we wepalylyk ruhunda terbiýelemekde aýratyn uly ähmiýete eýedir.
Seýran BEGALIÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň 1-nji ýyl talyby.