HALKARA PARAHATÇYLYK WE YNANYŞMAK ÝYLYNYŇ NYŞANYNYŇ MANY-MAZMUNYNY DÜŞÜNDIRMEK BOÝUNÇA MEKDEP OKUWÇYLARY BILEN GEÇIRILEN DUŞUŞYKLAR
2025-nji ýylyň 14-15-nji hem-de 19-20-nji noýabrynda Halkara parahatçylyk we ynanyşmak ýylynyň nyşanynyň many-mazmunyny, hemişelik Bitaraplygymyzyň gadyr-gymmadyny düşündirmek boýunça Aşgabat we Arkadag şäherleriniň orta mekdeplerinde geçirilmeli wagyz-nesihat duşuşyklaryň tassyklanan meýilnamasyna laýyklykda,Türkmenistanyň Daşary işler ministrliginiň Halkara gatnaşyklary institutynyň Halkara hukugy we deňeşdirme hukuk öwreniş kafedrasynyň mugallymlarynyň alyp barmagynda Aşgabat şäheriniň 17-nji, 18-nji, 19-njy, 26-njy, 38-nji, 41-nji orta mekdeplerinde hem-de Aşgabat şäheriniň saz ugruna ýöriteleşdirilen 42-nji we Türkmenistanyň Gahrymany Atamyrat Nyýazow adyndaky zehinli ýaşlar mekdebinde (43-nji orta mekdebi) duşuşyk geçirildi. Oňa orta mekdepleriň ýokary synp okuwçylary we mugallymlary gatnaşdylar.
Duşuşyklaryň dowamynda mugallymlar mekdep okuwçylaryna Türkmenistan döwletimiziň Bitaraplyk derejesiniň hukuk esaslary, Gahryman Arkadagymyzyň, Arkadagly Gahryman Serdarymyzyň türkmen Bitaraplygynyň ähmiýetini ýokarlanadyrmakda alyp barýan halkara başlangyçlary hem-de 2025-nji ýylyň şygarynyň many-mazmuny barada giňişleýin gürrüň berdiler.
Duşuşyklarda birnäçe prezentasiýalar we Bitaraplygymyzyň ähmiýetini açyp görkezýän wideorolikler görkezildi. Şeýle-de okuwçylar bilen sorag-jogap alşyldy.
Merjen GURBANNAZAROWA,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy we deňeşdirme hukuk öwreniş
kafedrasynyň uly mugallymy.