“HALKARA JEDELLERI PARAHATÇYLYK SERIŞDELER BILEN ÇÖZMEK” ATLY TEMA BOÝUNÇA WEBINAR GEÇIRILDI
2025-nji ýylyň 2-nji dekabrynda Türkmenistanyň Daşary işler ministrliginiň Halkara gatnaşyklary institutynda Türkmenistanyň hemişelik Bitaraplygynyň 30 ýyllygy we “Halkara parahatçylyk we ynanyşmak” ýyly mynasybetli “Halkara jedelleri parahatçylyk serişdeler bilen çözmek” atly tema boýunça webinar geçirildi. Onda Türkmenistanyň Daşary işler ministrliginiň Halkara gatnaşyklary institutynyň Halkara hukugy we deňeşdirme hukuk öwreniş kafedrasynyň uly mugallymy Dürli Ballyýewa çykyş etdi.
Webinara ýurdumyzyň ýokary we orta hünär okuw mekdepleriniň professor-mugallymlary we talyp ýaşlary onlaýn arkaly gatnaşdylar. Webinarda mugallym ýurdumyzda halkara jedelleri parahatçylyk serişdeler bilen çözmekligiň milli we halkara hukuk esaslary, Türkmenistanyň bu ugurdaky alyp barýan üstünlikli syýasaty hem-de onuň halkara gatnaşyklaryndaky orny barada giňişleýin gürrüň berdi.
Bu okuw sapagy talyp ýaşlar üçin halkara gatnaşyklary ulgamynda ýüze çykýan we ýüze çykyp biljek, jedelleri we düşinişmezlikleri üstünlikli çözmäge we olaryň bu ugurda alýan bilimlerini artdyrmaga mümkinçilik döredýär.
Maksat ALYMBAÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň II ýyl talyby.