HALKARA HUKUGYŇ ÝYLY MYNASYBETLI GEÇIRILEN AÇYK SAPAGY
2026-njy ýylyň 30-njy martynda Türkmenistanyň Daşary işler ministrliginiň Halkara gatnaşyklary institutynda Halkara hukugy we deňeşdirme hukuk öwreniş kafedrasynyň guramagynda Türkmenistanyň BMG-niň agzalygyna kabul edilen güni, “Garaşsyz, baky Bitarap Türkmenistan – bedew batly at-myradyň mekany” ýyly hem-de 2028-nji ýyly “Halkara hukugyň ýyly” diýip teklip edilmegi mynasybetli Halkara hukugy fakultetiniň talyplarynyň gatnaşmagynda açyk sapak geçirildi. Bu açyk sapagy institutyň Halkara hukugy we deňeşdirme hukuk öwreniş kafedrasynyň ulu mugallymy Merjen Gurbannazarowa alyp bardy.
Mugallym M.Gurbannazarowa açyk sapagyň dowamynda Türkmenistanyň içeri we daşary syýasatynyň esasy ugurlaryny, ýurdumyzyň Birleşen Milletler Guramasy bilen hyzmatdaşlygyny, häzirki wagtda dünýä bileleşiginiň halkara hukugynyň ösdürilmegine we ýaýramagyna degişli amala aşyrýan yzygiderli işleri hem-de Türkmenistan döwletimiziň halkara hukugynyň subýekti hökmünde bu işlere işjeň gatnaşýandygyny aýdyp berdi. Şeýle-de, 2025-nji ýylyň sentýabr aýynda hormatly Prezidentimiziň BMG-niň Baş Assambleýasynyň 80-nji ýubileý sessiýasyndaky çykyşynda möhüm başlangyjy bilen çykyş edip — 2028-nji ýyly «Halkara hukugyň ýyly» diýip yglan etmegi boýunça teklibi barada giňişleýin gürrüň berdi.
Halkara hukugy hünärini okaýan talyplar üçin geçirilen bu açyk sapak örän täsirli boldy. Onda talyplar özlerini gyzyklandyrýan sowallara jogap tapdyrlar.
Dürli BALLYÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy we deňeşdirme hukuk öwreniş
kafedrasynyň uly mugallymy.