Halkara Frankofoniýa güni mynasybetli geçirilýän fransuz dili boýunça bäsleşigiň jemleýji tapgyry
2025-nji ýylyň 5-nji aprelinde Türkmenistanyň Daşary işler ministrliginiň
Halkara gatnaşyklary institutynda Fransiýa Respublikasynyň Türkmenistandaky
ilçihanasynyň ýanyndaky “Institut français” fransuz dili boýunça okuw merkezi
tarapyndan Halkara Frankofoniýa güni mynasybetli fransuz dili boýunça bäsleşigiň
jemleýji tapgyry geçirildi. Oňa Türkmenistanyň ýokary okuw we orta
mekdepleriniň talyp ýaşlary we okuwçylary gatnaşdylar.
Bäsleşigiň başynda Türkmenistanyň Daşary işler ministrliginiň Halkara
gatnaşyklary institutynyň rektory G.Ýusupowa we Fransiýa Respublikasynyň
Türkmenistandaky Adatdan daşary we Doly ygtyýarly ilçisi Filip Merlen çykyş
edip, bäsleşige gatnaşyjylara üstünlik arzuw etdiler.
Halkara Frankofoniýa güni mynasybetli “Institut français” fransuz dili
boýunça okuw merkezi tarapyndan geçirilen bäsleşik talyp ýaşlaryň we mekdep
okuwçylaryň bu ugurda bilimlerini artdyrmaga we daşary ýurt dillerini has kämil
derejede öwrenmeklerine ýardam edýär.
Hojamyrat BAÝLYÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň
III ýyl talyby.
Şeýle hem şu ýerden okap bilersiňiz: