GYZYKLY GURALAN GEZELENÇ
2025-nji ýylyň 1-nji dekabrynda Türkmenistanyň Daşary işler ministrliginiň Halkara gatnaşyklary institutynyň ilkinji Zenanlar we ilkinji Ýaşlar guramalarynyň işjeň agzalarynyň gatnaşmaklarynda Türkmen halysynyň milli muzeýine gezelenç guraldy.
Halkara Bitaraplyk güni we Türkmenistanyň hemişelik Bitaraplygynyň 30 ýyllyk baýramçylygynyň öň ýanynda guralan gezelenjiň dowamynda talyp ýaşlara haly nagyşlarynyň taryhy, adam saglygy üçin halylaryň peýdasy, haly dokamak sungatynyň biziň günlerimize gelip ýetmeginde zenanlaryň orny hakynda maglumatlar berildi. Gezelenjiň dowamynda bu ajaýyp muzeý dünýäniň çar künjeginden gelýän jahankeşdeleriň hem iň bir gelim-gidimli ýerine öwrülendigini muzeýiň hünärmenleri belläp geçdiler.
Şeýle gyzykly gezelençleriň yzygiderli guralmagy türkmen diplomatiýasynyň geljekki wekilleri bolan talyp ýaşlaryň ukyp-başarnyklarynyň açylmagyna ýetirýän täsiriniň uludygy bellärliklidir.
Mahym KAKAÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň IV ýyl talyby.