Gözel paýtagtymyzda arassaçylyk işleri geçirildi
2021-nji ýylyň 1-nji aprelinde gözel paýtagtymyz Aşgabadyň 140 ýyllygyna bagyşlanyp abadançylyk işleri geçirildi. Bu abadançylyk işlerine institutymyzyň professor-mugallymlary we talyplary işjeň gatnaşdylar. Olar ir säher bilen paýtagtymyzyň Andalyp köçesiniň ugrunda ýerleşýän “Garaşsyzlygyň 15 ýyllygy” seýilgähinde arassaçylyk işleri bilen meşgullandylar.
Şeýle-de olar Kemine, Zelili, Magrupy, Mätaji ýaly türkmeniň beýik şahsyýetleriniň heýkelleri ýerleşdirilen bu ajaýyp seýilgähiň tokaý zolagynda agaçlaryň düýplerini agardyp, öňki baglara talabalaýyk ideg etdiler. Mundan başga-da, talyp-ýaşlar haşal otlary aýryp, tarp ýerleri depdiler, abadanlaşdyryş işlerini ýerine ýetirdiler.
Gurbanjemal EGIRJÄÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň II ýyl talyby